हळद प्रक्रिया, हळद विपणन, ब्रॅंडिंग इ. बाबत शेतकऱ्यांना अद्ययावत ज्ञान, कौशल्य असणे अत्यंत आवश्यक आहे. महाराष्ट्र राज्याचे हळद धोरण ठरवण्यासाठी महाराष्ट्र शासनाने माझ्या अध्यक्षतेखाली तज्ञ समिती गठीत केली होती. सुमारे दोन वर्षे या समितीने सुमारे १५ बैठका घेऊन हळद विषयासंदर्भात सखोल अभ्यास के ला. आणि त्यातून समाजातील सर्व स्तरातील घटकांना उपयोगी पडेल असे आणि हळद उत्पादक शेतकऱ्यांना प्रोत्साहित करणारे धोरण मी आज आपल्या समोर मांडत आहे. हळद धोरणाच्या माध्यमातून हळद उत्पादन करणाऱ्या शेतकऱ्यांना योग्य मार्गदर्शन मिळावे, पिकाच्या संदर्भात येणाऱ्या अडचणी सोडवल्या जाव्यात, महाराष्ट्रातील हळदीला जागतिक बाजारपेठ उपलब्ध होण्यासाठी करण्यात येणाऱ्या उपाययोजना याचा तपशील याठिकाणी मांडला गेला आहे.

महाराष्ट्राच्या अनेक जिल्ह्यांमध्ये हळदीचे विक्रमी उत्पादन होत आहे, मात्र या धोरणाच्या माध्यमातून तंत्रज्ञान, बाजारपेठ आणि विपणन व्यवस्था याबद्दल शेतकरी तसेच व्यापारी यांना माहिती मिळेल आणि आपले उत्पादन देशाच्या तसेच जगाच्या कानाकोपऱ्यात पोहोचेल. महाराष्ट्र राज्यातील शेतकरी प्रगतिशील आहे. हळद मा. खा. हेमंत पाटील अध्यक्ष, हळद संशोधन व प्रक्रिया अभ्यास समिती धोरणाच्या माध्यमातून महाराष्ट्र शासन शेतकरी आणि सर्व भागधारकांच्या मागे खंबीरपणे उभा आहे.

हळद धोरणामध्ये पारंपरिक धोरणासह अत्याधुनिक तंत्रज्ञानाबद्दल योग्य मार्गदर्शन करण्यात आले आहे. शेतीमध्ये उत्पादित के लेला शेतमाल टिकवण्यासाठी कृषी जैव तंत्रज्ञान वि भाग, भा भा अणुसंशोधन कें द्रामार्फत प्रयोगशाळा उ भारण्यात येणार आहेत. शेतकऱ्यांना हळद बियाणे, खते, पाणी, कृषी उपकरणे, हळद, हळदीतील प्रमुख घटक चाचणीसाठी आवश्यक यांत्रिकीकरण, बॉयलर आणि पॉलिशर उपकरणांचे योग्य नियोजन करणे, हळद निर्यात केंद्र, व्यवस्थापन, माती पाणी परीक्षण केंद्र इत्यादींसाठी अनुदान उपलब्ध करून देण्यात येणार आहे. महाराष्ट्र राज्याचे सर्वंकष हळद धोरण येणाऱ्या काळात हळद पिकासाठी वरदान ठरेल आणि राज्यातील हळदीला देशासह जगात नावलौकिक मिळवून देईल.

महाराष्ट्र राज्याचे हळद धोरण तयार करण्याकरिता आपला वेळ देणाऱ्या आणि बहुमूल्य मार्गदर्शन करणाऱ्या समितीतील सर्व तज्ज्ञ स भासदांचे महाराष्ट्र शासनाच्यावतीने आणि शेतकरी बांधवांकडून अभिनंदन आणि पुढील काळासाठी शुभेच्छा !

अध्यक्ष, मा. बाळासाहेब ठाकरे हरिद्रा (हळद) संशोधन आणि प्रशिक्षण केंद्र